దండుగుల శ్రీనివాస్‌- వాస్తవం ప్రతినిధి:

మహాలక్ష్మి పథకానికి మహిళలు మంగళ హారతులు పట్టారు. ఆరు గ్యారెంటీలకు నేటితో చివరి తేదీ కావడంతో ఇప్పటి వరకు అంతటా అద్బుత స్పందన లభించింది. ఇప్పటి వరకు దరఖాస్తులు వెల్లువెత్తాయి. శనివారంతో ఈ కార్యక్రమం ముగియనుంది. ఆ తరవాత మిగిలిపోయిన వారి దరఖాస్తులు ప్రజావాణి, తహసీల్దార్‌ కార్యాలయాల్లో స్వీకరిస్తారు. ఐదు రోజుల్లో నిజామాబాద్‌ జిల్లాలో 4, 30, 192 దరఖాస్తులు వచ్చాయి. చివరి రోజు మరో ముప్పైవేల దరఖాస్తులు వచ్చే అవకాశం ఉందని అధికారులు చెబుతున్నారు. దీంతో మొత్తం 5 లక్షల అప్లికేషన్లకు ఈ సంఖ్య చేరనుంది. ఇప్పటి వరకు వచ్చిన దరఖాస్తుల్లో మొదటి స్థానం మహాలక్ష్మి పథాకానిది కాగా. రెండో స్థానం రైతు కూలీ కింద ఏడాదికి ఇస్తామన్న పన్నెండు వేల కోసం బారులు తీరారు.

ఆ తరువాతి స్థానం ఇందిరమ్మ ఇండ్లకు దక్కింది. ఇంటి స్థలం ఉన్న ఉన్నవాళ్లు ఐదు లక్షల ఆర్థిక సాయం కోసం దరఖాస్తు చేసుకోగా.. ఇంటి స్థలం కూడా లేని వాళ్లు ప్రభుత్వ స్థలాలు ఇస్తారనే ఉద్దేశంతో అప్లికేషన్లు ఇచ్చారు. శుక్రవారం నుంచి ఈ దరఖాస్తుల వివరాలను ఆన్‌లైన్‌లో ఎక్కిస్తున్నారు. ఈ నెల 17 వరకు ఈ ఆన్‌లైన్‌ ప్రక్రియ పూర్తి చేస్తామని, ఆరు గ్యారెంటీలకు అద్బుత స్పందన వచ్చిందని నిజామాబాద్‌ జిల్లా అడిషనల్‌ కలెక్టర్‌ యాదిరెడ్డి తెలిపారు.

You missed

అర్వింద్‌ ‘పసుపు’ రాజకీయం.. మళ్లీ తెరపైకి బాండుపేపర్.. రెండేండ్లలో టన్నుకు 20వేలు ఇస్తానని ప్రకటన… మళ్లీ అవే ‘బాండ్‌’ అబద్దాలతో ఎంపీ రైతుల చెవిల్లో పసుపు… ఎంపీ ఎన్నికల్లో గెలుపే లక్ష్యం.. ప్రస్తుతం పసుపు క్వింటాళ్‌కు 14వేల పై చిలుకు ధర పలుకుతున్న వైనం.. ఎందుకు ఇంత రేటు పెరిగిందో తెలియని నేతల అవగాహనారాహిత్యం.. 70వేల ఎకరాల నుంచి సాగు విస్తీర్ణం సగానికి పడిపోయిన వైనం.. పెరిగిన ఎగుమతి డిమాండ్.. చాలా మంది రైతులు పసుపు పండిచేందుకు వెనుకడుగు.. దీనికి ఎవరు కారణం.. ? పసుపుబోర్డు తెస్తానని ఐదేండ్లు కాలయాపన చేసి ఫలితంగా పసుపు ‘సాగు’ బంగారమయిన దుస్థితి.. రేవంత్‌ కూడా బీజేపీకి మైలేజీ ఇచ్చేలా అవగాహనారాహిత్యపు ట్వీట్‌… మళ్లీ బాండ్‌ పేపర్‌ రాస్తానని బరితెగించిన చెప్పిన అర్వింద్.. కానీ బీఆరెస్‌, కాంగ్రెస్‌ నేతల్లో చలనం లేని రాజకీయ నిస్తేజం.. ‘వాస్తవం’ ఎక్స్‌క్లూజివ్‌….