దండుగుల శ్రీనివాస్‌ – వాస్తవం ప్రతినిధి:

ఉద్యమకారులకు 250 గజాల స్థలం ఇస్తానంటున్నాడు రేవంత్‌. చనిపోయిన ఉద్యమకారుల కుటుంబాలకు నెలకు 25 వేల పింఛన్‌ ఇస్తానంటున్నాడు. ఆరు గ్యారెంటీల్లో ఇదీ ప్రధానం స్కీంగా పెట్టాడు. దీంతో మిగిలిన గ్యారెంటీలకు ఎలా భారీ స్పందన వచ్చిందో.. అదే స్థాయిలో ఈ స్కీంకూ స్పందన రావడమే కాదు.. రేవంత్‌కు జేజేలు పలుకుతున్నారు కట్టర్‌ బీఆరెస్‌ నేతలు కూడా. అవును.. పదేళ్లు టీఆరెస్‌ ప్రభుత్వంలో అంతకు ముందు ఐదు పదేళ్లు ఉద్యమంలో జీవితాన్నే కోల్పోయిన తమకు కేసీఆర్‌ ఎలాంటి గుర్తింపు నివ్వకపోగా.. కనీసం పట్టించుకోలేదని మనోవేదన వారిని పీడిస్తూ వచ్చింది.

అదలా ఉండగానే ఇప్పుడు రేవంత్‌ వారిని ప్రత్యేకంగా చూడటం, గుర్తింపునిస్తూ పథకాలు అందించేందుకు దరఖాస్తులు తీసుకోవడాన్ని ఆత్మగౌరవంగా భావిస్తున్నారు ఉద్యమకారులు. మంగళవారం సీపీ కల్మేశ్వర్ షింగినేవార్‌ను కలిసి విద్యార్థి ఉద్యమ జేఏసీ నాయకులు తమ కేసులు వివరాలు అందించాలని వినతిపత్రం సమర్పించడం ప్రాధాన్యత సంతరించుకున్నది. వాస్తవంగా ఉద్యమకారులంతా దాదాపుగా బీఆరెస్‌నే అంటిపెట్టుకుని ఉన్నారు. పదేళ్ల పాటు ఆశగా ఎదురుచూస్తు వచ్చారు. కాలయాపన జరిగినా.. గుర్తింపు లేకపోయినా ఓపిక పట్టారు. కానీ ప్రయోజనం లేకుండా పోయింది. ఇప్పుడు కేసుల వివరాలు అడుగుతున్నది ఆరు గ్యారెంటీల్లో భాగంగా తమకు 250 గజాల స్థలం ఇవ్వమని, దరఖాస్తు చేసుకోగానే వారిచ్చేశారని కాదు వీరికి సంతోషం. కనీసం గుర్తించారని, దరఖాస్తులైన తీసుకుంటు తమ ఉనికిని, ఆత్మగౌరవానికి ప్రాధన్యత ఇచ్చారు. కేసీఆర్‌ సర్కార్‌ హయాంలో అదే జరగలేదనేది వీరి అసంతృప్తికి, మనోవేదనకు ఆగ్రహావేశాలకు మూలకారణం.

You missed

అర్వింద్‌ ‘పసుపు’ రాజకీయం.. మళ్లీ తెరపైకి బాండుపేపర్.. రెండేండ్లలో టన్నుకు 20వేలు ఇస్తానని ప్రకటన… మళ్లీ అవే ‘బాండ్‌’ అబద్దాలతో ఎంపీ రైతుల చెవిల్లో పసుపు… ఎంపీ ఎన్నికల్లో గెలుపే లక్ష్యం.. ప్రస్తుతం పసుపు క్వింటాళ్‌కు 14వేల పై చిలుకు ధర పలుకుతున్న వైనం.. ఎందుకు ఇంత రేటు పెరిగిందో తెలియని నేతల అవగాహనారాహిత్యం.. 70వేల ఎకరాల నుంచి సాగు విస్తీర్ణం సగానికి పడిపోయిన వైనం.. పెరిగిన ఎగుమతి డిమాండ్.. చాలా మంది రైతులు పసుపు పండిచేందుకు వెనుకడుగు.. దీనికి ఎవరు కారణం.. ? పసుపుబోర్డు తెస్తానని ఐదేండ్లు కాలయాపన చేసి ఫలితంగా పసుపు ‘సాగు’ బంగారమయిన దుస్థితి.. రేవంత్‌ కూడా బీజేపీకి మైలేజీ ఇచ్చేలా అవగాహనారాహిత్యపు ట్వీట్‌… మళ్లీ బాండ్‌ పేపర్‌ రాస్తానని బరితెగించిన చెప్పిన అర్వింద్.. కానీ బీఆరెస్‌, కాంగ్రెస్‌ నేతల్లో చలనం లేని రాజకీయ నిస్తేజం.. ‘వాస్తవం’ ఎక్స్‌క్లూజివ్‌….