ఎన్నికల వేళ బీజేపీ తన అధికార సత్తా చాటుకున్నది. ఈసీతో ఐపీఎస్‌ల బదిలీలకు పాల్పడింది. రాష్ట్ర వ్యాప్తంగా పలువురు ఐపీఎస్‌లను బదిలీ చేస్తూ ఈసీ బుధవారం రాత్రి అనూహ్య , సంచలన నిర్ణయం తీసుకున్నది. ఇందులో నిజామాబాద్‌ సీపీ కూడా ఉండటం గమనార్హం. సీపీ సత్యనారాయణ వచ్చి కొన్నాళ్లే అయ్యింది.అయినా ఈసీ ఝలక్‌ ఇచ్చింది. దీని వెనుక బీజేపీ ఉంది. కేంద్ర ప్రభుత్వ ఆదేశాలతోనే ఈసీ ఈ నిర్ణయం తీసుకున్నదనేది జగమెరిగిన సత్యం.
ఇక్కడి బీజేపీ నేతలు ఇచ్చిన సమాచారంతోనే కేంద్ర హోం మినిష్టర్‌ అమిత్‌ షా ఈసీని ఆదేశించింది. దీంతో ఈసీ ఈ మేరకు నిర్ణయం తీసుకున్నది. వాస్తవంగా ఎన్నికల వేళ అధికార పార్టీ ఏరికోరి సీపీలను వేయించుకుంటుంది. నిజామాబాద్‌ జిల్లాలో కూడా ఇదే జరిగింది. ఇక్కడి బీజేపీ నేతలు ఈ సమాచారాన్ని కేంద్రానికి ఇచ్చారు. దీంతో ఈసీ చేత నిజామాబాద్‌ సీపీని బదిలీ చేయాల్సిందిగా ఆదేశాలు జారీ చేసింది. రేపో, ఎల్లుండో కొత్త సీపీ జిల్లాకు రానున్నాడు. ఎన్నికల వేళ ఇందూరు జిల్లాలో ఇది బీఆరెస్‌ నేతలకు షాక్‌లాంటి వార్తేనని చెప్పాలి.