ఉద్యోగాల నోటిఫికేషన్ వేస్తం. అన్ని రెడీ అయిన‌వి. ఇగ ఏస్తం అనే లోపు… గా హుజురాబాద్ నోటిఫికేషన్ ఒచ్చింది. దానికి మేమేం చేయాలె. ఇది కూడా మా త‌ప్పేనా? ఎన్నిక ఇంకా రాక‌పాయె. ఇంకా రాక‌పాయె అని మొన్న‌టి దాక మీరే క‌దా ఏడ్సిర్రు. ఇప్పుడొచ్చిన‌య్ .. పొయ్ కొట్లాడుపోర్రి. నోరు ఖాళీగుందిక‌ద అని ఆడోడు ఈడోడు మోప‌యి ఇష్ట‌మొచ్చిన‌ట్టు ఒర్రుత‌రు. అవును బై.. నిరుద్యోగ భృతి కూడా ఇద్దామ‌నే అనుకున్నాం. దాని కూడా లెక్క‌లేసినం. అన్నీ రెడీ అయిన‌యి. ఇగ ఇస్తం అనేలోపే .. ఇగో ఇట్ల నోటిఫికేషన్ ఏసిర్రు. కండ్లు క‌నిపిస్త‌లే.
వృద్దాప్య పించ‌న్లూ ఇస్తం. ద‌ళిత‌బంధూ ఇస్తాం. డ‌బుల్ బెడ్ రూం ఇండ్లూ క‌ట్టిస్తం. అన్నీ మేమే చేస్తం బై. ఎందుకు తొంద‌ర. ఒక నెల ఆగ‌లేరా. ఓపిక లేదా. ఇన్నేండ్లు ఆగిర్రు క‌దా. మంచిగ‌నే. ఇగో ముందే చెప్తున్న మ‌ళ్లా ఏదైనా నోటిఫికేషన్, కోడ్ గీడ్ వ‌స్తే మాకైతే తెల్వ‌దు. మ‌ళ్లా కొంచెం టైం ప‌డ‌త‌ది అంతే. కానీ క‌చ్చితంగా చేస్తం బై.అన్నీ చేస్తం. అరే.. చెప్పిన‌యే కాదు బై. చెప్ప‌నియి కూడా చేస్తున్నం. చూస్తున్న‌రు క‌దా. మ‌రి .. ఎందుకంత ప‌రేషాన్ అయితుర్రు.
సూషిన‌వా .. గొర్రెల ప‌థ‌కం మంచిగ స‌క్సెస‌యితుంద‌ని.. మొన్న నేను నాటు కోళ్లు సుగ ఇయ్యాలె అని చెప్ప‌లే. ఇస్తం బై. అన్నీ ఇస్తం. మీకేం గావాల్నో మాకు తెల్వ‌దా? అరే ఉజ్జోగాలూ ఒస్త‌యి.. నాటు కోళ్లూ ఒస్త‌యి బై. ఎంద‌కంత తొంద‌ర. కౌశిక్ రెడ్డి అన్న‌ట్టు.. మ‌న కేసీఆర్ సారు.. బొమ్మ‌రిల్లు సిన్మాల ప్ర‌కాశ్‌రాజ్ లెక్క. కొడుకు అడ‌గ‌క‌ముందే అన్నీ కొనియ్య‌డా? అట్ల‌న్న‌ట్టు. ఇంత‌క‌న్న మంచిగ మిమ్మ‌ల్ని స‌మ్జాంచుడు ఇగ నాతోనైతే కాదు బై. స‌రే ఉంటా. హుజురాబాద్‌లో గెలిచినంక క‌లుస్తా.