పసుపు రైతులకు గడ్డుకాలం వచ్చేసింది. రాజకీయ నాయకులు ఇచ్చిన హామీ పసుపబోర్డు మాట అటకెక్కించడంతో వచ్చినకాడికి అమ్మేసుకుంటున్నారు. స్పైస్ బోర్డు పేరిట రీజరల్ ఆఫీసు ఏర్పాటు చేసి చేతులు దులుపుకున్న అర్వింద్‌… ఆ తర్వాత పసుపుబోర్డు ఊసెత్తలేదు. దీంతో వచ్చిన ధరకు పసుపు రైతులు అమ్మేసుకున్నారు. ట్రేడర్లు ఇదే మంచి అవకాశమని కొని కోల్డ్‌ స్టోరేజీల్లో నిలువపరుచుకున్నారు. ఆరువేలకు మించి క్వింటాలుకు రాలేదు. చేసిన శ్రమ మట్టిపాలయ్యింది. ఇలా దాదాపు తొంభైశాతం పసుపును అమ్మేసుకున్నారు. ఇప్పుడు ధర ఎనిమిది వేలకు పెరిగింది.దీన్ని బీజేపీ శ్రేణులు తమ ఘనతే అనే రీతిలో కూడా ప్రచారం చేసుకోవడం గమనార్హం.

అసలు విషయం ఏమిటంటే.. మహారాష్ట్రలో ఈసారి క్వాలిటీ పసుపు రాలేదు. దిగుబడి తగ్గింది. దీనికి తోడు మన దగ్గర వర్షాభావ పరిస్థితులు స్టార్టింగ్‌లో ఏర్పడ్డాయి. సీజన్‌ లేటుగా స్టార్ట్‌ అయ్యింది. విస్తీర్ణం తగ్గింది. దాదాపు ప్రతీ సీజన్‌లో 45వేల ఎకరాల్లో పసుపును సాగు చేసేవారు కానీ.. వర్షాలు లేటుగా రావడంతో దాదాపు పదివేల ఎకరాల వరకు పసుపు తగ్గిపోయింది. ఈ పంట వేయలేదు. దీంతో మార్కెట్లో చివరి నిమిషంలో రేటు పెరిగిపోయింది. ఎనిమిది వేలు.. ఆపైగా వచ్చింది. కానీ ఇది రైతులకు మేలు చేసేదేం కాదు.. ట్రేడర్లు పసుపును తక్కువ ధరకు కొనుగోలు చేసి కోల్ట్‌ స్టోరేజీల్లో బ్లాక్ చేసేసుకున్నారు. దీంతో వ్యాపారుల పంట పండింది. కష్టపడి సాగు చేసిన రైతు నిండా మునిగాడు.

You missed

అర్వింద్‌ ‘పసుపు’ రాజకీయం.. మళ్లీ తెరపైకి బాండుపేపర్.. రెండేండ్లలో టన్నుకు 20వేలు ఇస్తానని ప్రకటన… మళ్లీ అవే ‘బాండ్‌’ అబద్దాలతో ఎంపీ రైతుల చెవిల్లో పసుపు… ఎంపీ ఎన్నికల్లో గెలుపే లక్ష్యం.. ప్రస్తుతం పసుపు క్వింటాళ్‌కు 14వేల పై చిలుకు ధర పలుకుతున్న వైనం.. ఎందుకు ఇంత రేటు పెరిగిందో తెలియని నేతల అవగాహనారాహిత్యం.. 70వేల ఎకరాల నుంచి సాగు విస్తీర్ణం సగానికి పడిపోయిన వైనం.. పెరిగిన ఎగుమతి డిమాండ్.. చాలా మంది రైతులు పసుపు పండిచేందుకు వెనుకడుగు.. దీనికి ఎవరు కారణం.. ? పసుపుబోర్డు తెస్తానని ఐదేండ్లు కాలయాపన చేసి ఫలితంగా పసుపు ‘సాగు’ బంగారమయిన దుస్థితి.. రేవంత్‌ కూడా బీజేపీకి మైలేజీ ఇచ్చేలా అవగాహనారాహిత్యపు ట్వీట్‌… మళ్లీ బాండ్‌ పేపర్‌ రాస్తానని బరితెగించిన చెప్పిన అర్వింద్.. కానీ బీఆరెస్‌, కాంగ్రెస్‌ నేతల్లో చలనం లేని రాజకీయ నిస్తేజం.. ‘వాస్తవం’ ఎక్స్‌క్లూజివ్‌….