నోటిఫికేషన్లు ఒస్తయో రావో అనేది ఎనకశీరి ముచ్చట.. సదివితే పొయ్యేది ఏం లేదు నాలుగు ముక్కలొస్తయి.. దేనికోదానికి పనికొస్తది.. ఒస్తయా ఏస్తడా ఏశినా కొసెల్లదీస్తడా అని ముచ్చట్లు పెట్టుకుంట ఎల్లదీస్తే ఏం లాభం లేదు.. ఓరకు వెట్టిన పుస్తకాలన్ని తియ్యిర్రి.. ఇప్పటికే లైన్ల ఉన్నోల్లంత మల్లోతాప తిరగేయిర్రి.. ఇగ ఇప్పటికే చానా టైం వేస్ట్ చేశిన ఏదన్నోటి సూస్కుందాం అనేటోల్లు మీ ఇష్టం.. ఇంట్లోల్లను తిప్పలవెట్టుడెందుకు అని దేన్లనో దాన్ల ఇరికినోల్లు టైం ఉన్నప్పుడన్న సదువుకోర్రి.. ఇసోంటోల్లంటే నాకు మస్తు గౌరవం.. సర్కారి నౌకరొస్తెనే బతుకుతం లేకుంటె సస్తం అనెటోల్లకంటే ఈల్లు చానా బెటర్..
ఒక యేడాది రెండేండ్లు మనకు ఇంట్లకెల్లి ఒస్తయి బేఫికర్ ఉండొచ్చు అనుకుంటెనే ఇటు మొకాన రార్రి.. ఏంటికంటే నోటిఫికేషన్లు అయితే ఒస్తయి గాని వాటి పరీక్షలు, ఫలితాలు అంత జల్ది రావు.. స్టేట్ అనే కాదు ఎస్సెస్సీ పరీక్షలు సుతం అన్ని అయిపోయేసరికి రెండు మూడేండ్లు పడుతయి.. ఇవన్నీ మన నాలెడ్జికే కాదు మన ఓపికకు సుతం పరీక్షలు పెడుతయి.. కిస్మథ్ మంచిగుంటే రిజల్ట్స్ జల్ది ఒస్తయి.. ఇగ శెని నెత్తి మీద ఉంటే మొత్తమే కాన్సిల్ అయితయి..
ఇగ ఇంకో ముచ్చట ఇది కాకుంటే ఇంకేదన్న చేస్కొని బత్కుతం అనుకోవాలే.. ఒక టైం ఒస్తది ఇది మనతోని కాదు ఇడిశేసుడే మంచిది అనిపిస్తది.. అప్పుడు ఒదిలేశి సక్కగ ఇంకోటి సూస్కోవాలే.. మీరు నిరుద్యోగులు అని ఎవలన్న అంటే చెప్పు తీస్కొని కొట్టుర్రి.. ఏ పని శాతగానోల్లను నిరుద్యోగులు అంటరు.. ఉద్యోగం కోసం పోరాడుతున్నరు కాబట్టి మీరు ఉద్యోగార్థులు.. ఆల్లీల్ల ముచ్చట్లు పట్టిచ్చుకోకుర్రి.. నా క్యాలికైతే కొన్ని నోటిఫికేషన్లు ఒస్తయనే అనిపిస్తుంది.. జరంత ఆందాని ఉన్నోల్లు మూట ముల్లె సదురుకొని పట్నం మొకాన రార్రి.. ఏం లేనోల్లు కొంచెం గైడెన్స్ తీస్కొని సిలబస్ మంచిగ సూస్కొని సదివితే మా ఒస్తది..
45 ఏండ్లు చేశిర్రు, 50 ఏండ్లు చేశిర్రు అని పరాశ్కాలొద్దు.. ఆ ఏజ్ ఉన్నోల్లు సగం మంది సెటిలైపోయి ఉంటరు.. ఇంకా సెటిల్ కాలేదంటే ఈ పరీక్షలు ఏం రాస్తరు.. ఏదో ఒక ఛాన్స్ ఇచ్చిర్రు అనుకోవాలే గంతే.. ఏమో కొందరు కొట్టేటోల్లు సుతం ఉండొచ్చు.. సూద్దాం నా పుస్తకాల దుమ్ము గిన దులపాలే ఇగ.. తెలంగాణ ఉద్యమ చరిత్ర పుస్తకం మల్ల సదవాల్నని ఊరుతంది.. ఒస్తదో రాదో బాదుకువెడితే మన ఉద్యమం, పోరాటం అన్ని యాదికొస్తయి..
సదివేటోల్లకు ఆల్ ద బెస్ట్..
Akhilesh kasani