దండుగుల శ్రీనివాస్‌- వాస్తవం ప్రతినిధి:

అర్వింద్‌ జిల్లా బీజేపీపై తన పట్టు పెంచుకుంటూ పోతున్నాడు. మరోసారి నిజామాబాద్‌ ఎంపీ బరిలో తనే నిలబడే అవకాశం ఉండటంతో ఇప్పట్నుంచే అన్నీ చక్కదిద్దుకుంటున్నాడు. అందులో భాగంగా తన అసమ్మతిగా ఉన్న నేతలకు చెక్‌ పెట్టే కార్యక్రమాన్ని స్టార్ట్ చేశాడు. జిల్లా అధ్యక్షుడిగా ఉన్న బస్వా లక్ష్మీనర్సయ్యను తప్పించేందుకు రంగం సిద్ధం చేశారు. అతని స్థానంలో తన అనుచరుడిగా ముద్ర పడిన సీనియర్‌ నేత పల్లె గంగారెడ్డికి జిల్లా అధ్యక్షుడిని చేయనున్నాడు. దాదాపు ఈ ప్రక్రియ కొలిక్కి వచ్చింది. నేడో రేపో అధికారికంగా వెల్లడించడమే తరువాయిగా ఉంది. బస్వాకు ఎప్పట్నుంచో చెక్‌ పెట్టాలని అర్వింద్‌ సమయం కోసం ఎదురుచూస్తున్నాడు.

పార్లమెంటు ఎన్నికల వేళ అర్వింద్‌కు ఇదే మంచి తరుణంగా భావించాడు. జిల్లా అధ్యక్షుడిగా చాలా ఏండ్లు పనిచేసిన అనుభవం పల్లె గంగారెడ్డిది. ఆ అనుభవం తనకు పార్లమెంటు ఎన్నికల్లో ఉపయోగపడుతుందనే ఆలోచన కూడా అర్వింద్‌కు ఉంది. దీనికి తోడు బస్వాను అధ్యక్షుడిగా కొనసాగిస్తే.. ఎన్నికల్లో తనకు కొరకరాని కొయ్యగా మారుతాడనే భయం అర్వింద్‌ మనసులో బలంగా ఉంది. మొన్న జరిగిన అసెంబ్లీ ఎన్నికల్లో అర్బన్‌ ఎమ్మెల్యేగా గెలిచిన ధన్‌పాల్‌కు బస్వా ఏ మాత్రం సహకరించలేదు. ఇది పార్టీలో చర్చకు వచ్చింది. ఇక బస్వాను తప్పించడమే పనిగా పెట్టుకున్న అర్వింద్‌ మొత్తానికి తన వ్యూహాన్ని చాకచక్యంగా అమలు చేయడంలో సఫలీకృతులయ్యాడు.

You missed

అర్వింద్‌ ‘పసుపు’ రాజకీయం.. మళ్లీ తెరపైకి బాండుపేపర్.. రెండేండ్లలో టన్నుకు 20వేలు ఇస్తానని ప్రకటన… మళ్లీ అవే ‘బాండ్‌’ అబద్దాలతో ఎంపీ రైతుల చెవిల్లో పసుపు… ఎంపీ ఎన్నికల్లో గెలుపే లక్ష్యం.. ప్రస్తుతం పసుపు క్వింటాళ్‌కు 14వేల పై చిలుకు ధర పలుకుతున్న వైనం.. ఎందుకు ఇంత రేటు పెరిగిందో తెలియని నేతల అవగాహనారాహిత్యం.. 70వేల ఎకరాల నుంచి సాగు విస్తీర్ణం సగానికి పడిపోయిన వైనం.. పెరిగిన ఎగుమతి డిమాండ్.. చాలా మంది రైతులు పసుపు పండిచేందుకు వెనుకడుగు.. దీనికి ఎవరు కారణం.. ? పసుపుబోర్డు తెస్తానని ఐదేండ్లు కాలయాపన చేసి ఫలితంగా పసుపు ‘సాగు’ బంగారమయిన దుస్థితి.. రేవంత్‌ కూడా బీజేపీకి మైలేజీ ఇచ్చేలా అవగాహనారాహిత్యపు ట్వీట్‌… మళ్లీ బాండ్‌ పేపర్‌ రాస్తానని బరితెగించిన చెప్పిన అర్వింద్.. కానీ బీఆరెస్‌, కాంగ్రెస్‌ నేతల్లో చలనం లేని రాజకీయ నిస్తేజం.. ‘వాస్తవం’ ఎక్స్‌క్లూజివ్‌….