దండుగుల శ్రీనివాస్‌, వాస్తవం ప్రతినిధి:

ఇందూరులో ఫ్యాక్షన్‌ రాజకీయాలు పడగలెత్తాయి. మొన్న మొన్న ఎన్నికలు ముగిశాయో లేదో కానీ.. అప్పుడే పగ కట్టలు తెంచుకుంటున్నది. ఫ్యాక్షన్‌ రాజకీయాలు పడగవిప్పుతున్నాయి. ఆర్మూర్‌, బోధన్‌ మాజీ ఎమ్మెల్యేలు ఆశన్నగారి జీవన్‌రెడ్డి, షకీల్‌లు టార్గెట్‌గా ప్రతీకార దాడులు షురూ అయ్యాయి. పదేళ్లపాటు పగబట్టిన ప్రతిపక్ష రాజకీయం ఇప్పుడు ప్రతీకార వేటకు దిగింది. ఈ పదేళ్లలో ఎమ్మెల్యేలుగా వారు చేజేతులా కొని తెచ్చుకున్న పరిస్థితులే ఇప్పుడు వారి రాజకీయ భవిష్యత్తుకు గుదిబండగా మారాయి. అక్రమాల పుట్టలు తవ్వుతున్నారు. మొన్నటి వరకు అధికార యంత్రాంగం బీఆరెస్‌ నాయకులు జీ హుజూర్ అన్నది. ఇప్పుడు కాంగ్రెస్‌కు సలాం కొడుతున్నది.

ఆర్మూర్‌లో బీజేపీ ఎమ్మెల్యే అయినా మాజీ ఎమ్మెల్యేపై దాడులు తీవ్రతరం చేయడం.. అధికారులు కూడా సహకరికంచడం జీవన్‌రెడ్డిని ఊపిరి సలపనీయకుండా చేసింది. ఇప్పుడు బోధన్‌లో షకీల్‌ టార్గెట్‌గా శరత్‌రెడ్డి ప్రతీకారవేటకు తెరతీశాడు. చాపకింద నీరులా మొన్నటి వరకు సమయం కోసం వేచి ఉన్న నాయకులు మొన్నటి వరకు అధికారంలో ఉండి చేసిన దురాఘాతాలపై పడ్డారు. అధికార యంత్రాంగం ఇప్పుడు యూ టర్న్‌ తీసుకున్నది సహజంగానే. అధికారుల పై వేటు వేయడం లక్ష్యంగా పెట్టుకోలేదు లీడర్లు. ఆ అధికారులతోనే కాగల కార్యం చక్కదిద్దుకునేలా, మాజీలపై ప్రతీకారం తీర్చుకునేలా దాడులకు వ్యూహ రచన చేస్తున్నారు. ఇప్పుడు రాష్ట్రంలోనే ఆర్మూర్‌, బోధన్‌ నియోజవకర్గాల్లో జరుగుతున్న దాడులు, సంఘటనలు రాజకీయంగా తీవ్ర చర్చకు తెర లేపాయి.

You missed

అర్వింద్‌ ‘పసుపు’ రాజకీయం.. మళ్లీ తెరపైకి బాండుపేపర్.. రెండేండ్లలో టన్నుకు 20వేలు ఇస్తానని ప్రకటన… మళ్లీ అవే ‘బాండ్‌’ అబద్దాలతో ఎంపీ రైతుల చెవిల్లో పసుపు… ఎంపీ ఎన్నికల్లో గెలుపే లక్ష్యం.. ప్రస్తుతం పసుపు క్వింటాళ్‌కు 14వేల పై చిలుకు ధర పలుకుతున్న వైనం.. ఎందుకు ఇంత రేటు పెరిగిందో తెలియని నేతల అవగాహనారాహిత్యం.. 70వేల ఎకరాల నుంచి సాగు విస్తీర్ణం సగానికి పడిపోయిన వైనం.. పెరిగిన ఎగుమతి డిమాండ్.. చాలా మంది రైతులు పసుపు పండిచేందుకు వెనుకడుగు.. దీనికి ఎవరు కారణం.. ? పసుపుబోర్డు తెస్తానని ఐదేండ్లు కాలయాపన చేసి ఫలితంగా పసుపు ‘సాగు’ బంగారమయిన దుస్థితి.. రేవంత్‌ కూడా బీజేపీకి మైలేజీ ఇచ్చేలా అవగాహనారాహిత్యపు ట్వీట్‌… మళ్లీ బాండ్‌ పేపర్‌ రాస్తానని బరితెగించిన చెప్పిన అర్వింద్.. కానీ బీఆరెస్‌, కాంగ్రెస్‌ నేతల్లో చలనం లేని రాజకీయ నిస్తేజం.. ‘వాస్తవం’ ఎక్స్‌క్లూజివ్‌….